'హృదయ కాలేయం' సినిమాతో బర్నింగ్ స్టార్ గా మారిన సంపూర్ణేష్ బాబు మళ్ళీ వార్తలలోకి వచ్చాడు. ఈరోజు అతడి పుట్టినరోజు. ఈ బర్నింగ్ స్టార్ నటించిన సినిమాలు అతి తక్కువే అయినా అందరి హీరోల అభిమానులు సంపూని అభిమానించడం అతడి అదృష్టం అనుకోవాలి. ఈ డాషింగ్ హీరో నటిస్తున్న 'కొబ్బరి మట్ట' సినిమాకు సంబంధించిన ఒక షాకింగ్ న్యూస్ ను ఈరోజు సంపూ బాబు బయట పెట్టాడు.
ఈరోజు తన పుట్టినరోజు సందర్భంగా మీడియాతో మాట్లాడుతూ సంపూ ఈ విషయాలను షేర్ చేసాడు. 'కొబ్బరి మట్ట' మూవీ ఏడాదిన్నర కిందట మొదలైనా ఈసినిమాకు రకరకాల కష్టాలు వస్తూ ఉండటంతో ఈసినిమా విడుదల చాల ఆలస్యం అవుతోంది. ఈసినిమాకు సంబంధించి ఒక లెంగ్తీ డైలాగ్ తో టీజర్ వదిలి కూడా దాదాపు పది నెలలు కావస్తోంది.
అయినా ఇప్పటిదాకా సినిమా విడుదల కాలేదు. దీనితో కొన్ని నెలల పాటు అసలు వార్తల్లోనే లేకుండా పోయిన ఈ సినిమా ఈమధ్య సంపూ ఫన్నీ డ్యాన్స్ వీడియోతో మళ్లీ జనాల్లో హాట్ న్యూస్ గా మారింది. ఇప్పుడు ప్రమోషన్ జోరు కొంచెం పెంచి త్వరలో ఈ సినిమాను ప్రేక్షకుల ముందుకు తేవాలని చూస్తున్నారు.
'కొబ్బరిమట్ట' లో సంపూ పోషించిన పాపారాయుడి పాత్రకు ఏకంగా ఏడుగురు భార్యలుంటారట. వాళ్లకు పది పన్నెండు మంది పిల్లలుంటారట. ఆపది పన్నెండు మందికి ఇంకో 30-40 మంది దాకా పిల్లలుంటారట. ఇలా మొత్తంగా ఓ పెద్ద కుటుంబానికి పెద్దలా తాను ఉంటాను అని చెపుతున్నాడు సంపూ.
ఒక ఫ్యామిలీ ఎంటర్టైనర్ రూపొందుతున్న ఈసినిమాలో ఎక్కువగా స్పూఫులు ఉండవని కేవలం ఎంటర్టైన్మెంట్ మాత్రమే ఉంటుందని అంటున్నాడు సంపూ. ఈసినిమాలో డైలాగులు అదిరిపోతాయని చెపుతూ ఈసినిమాను జూన్ లో విడుదల చేయబోతున్నట్లు సంపూ లీకులు ఇస్తూ ఉండటంతో ఈ సమ్మర్ రేస్ లో సంపూ బాబు కూడ చేరిపోయాడనుకోవాలి..