మస్కట్‌: కళాభవన్‌ స్కూల్‌ ఆఫ్‌ మ్యూజిక్‌ అండ్‌ ఆర్ట్స్‌, మే 26న వార్షిక డాన్స్‌ ఫెస్టివల్‌ని నిర్వహించనుంది. గత పదేళ్ళుగా కళాభవన్‌, వార్షిక డాన్స్‌ ఫెస్టివల్‌ని ఒమన్‌లో నిర్వహిస్తూ వస్తోంది. ఒమన్‌లో భారత రాయబారి ఇంద్రా మణి పాండే ఈసారి వేడుకలకు ముఖ్య అతిథిగా హాజరు కానున్నారు. సాయంత్రం 6 గంటలకు ప్రారంభమయ్యే ఈ కార్యక్రమానికి ప్రవేశం ఉచితం. డాన్స్‌ ఫెస్టివల్‌తోపాటుగా, త్యాగరాజ మ్యూజిక్‌ ఫెస్టివల్‌ సహా పలు ఇతర కార్యక్రమాల్ని కూడా నిర్వహిస్తున్నారు. అన్ని బ్రాంచిల నుంచి సుమారు 150 మందికి పైగా స్టూడెంట్స్‌ ఈ కార్యక్రమానికి హాజరవుతారు. ఇంకో వైపున జనవరి 5 నుంచి జులై 10 వరకు కళాభవన్‌, సమ్మర్‌ క్యాంప్‌ నిర్వహిస్తోంది. దీనికి సంబంధించి అడ్మిషన్ల ప్రక్రియ ఇప్పటికే ప్రారంభమయ్యింది.