వరుస ప్లాప్స్ తో సతమతవుతున్న అల్లరి నరేష్ మరోసారి తమిళ రీమేక్ ను నమ్ముకొని ప్రేక్షకుల ముందుకు రాబోతున్నాడు..మలయాళం లో ఘన విజయం సాధించిన 'ఓరు వడక్కన్‌ సెల్ఫీ' చిత్రానికి రిమేక్ గా 'మేడ మీద అబ్బాయి' అంటూ వస్తున్నాడు. మలయాళ మాతృక చిత్రాన్ని డైరెక్ట్‌ చేసిన జి. ప్రజీత్‌ ఈ రీమేక్‌కి దర్శకత్వం వహించాడు.
రొమాంటిక్‌ ఎంటర్‌టైనర్‌గా తెరకెక్కనున్న ఈ చిత్రం ఫస్ట్ లుక్ తాజాగా రిలీజ్ చేయడం జరిగింది. ఒక మేడపై వాటర్‌ గ్లాస్‌తో పక్కన బైనాక్యులర్‌ పెట్టుకుని మూసి మూసి నవ్వులు నవ్వుతూ అల్లరి నరేష్‌ కూర్చోగా, మరో మేడపై నిఖిలా విమల్‌ కాఫీ కప్పుతో ఉన్న ఫస్ట్‌లుక్‌ ను రిలీజ్ చేసారు. ఈ లుక్ ఎంతో ఆసక్తి గా ఉండడం తో సినిమా ఖచ్చితంగా విజయం సాధిస్తుందనే నమ్మకం చిత్ర యూనిట్ వ్యక్తం చేస్తున్నారు.