కావలసిన పదార్థాలు: కొర్రలు - ఒకటిన్నర కప్పు, తేనె - పావు కప్పు, పంచదార పొడి - పావు కప్పు, యాలకుల పొడి - 1 టీ స్పూను, నెయ్యి - 1 టేబుల్‌ స్పూను, జీడిపప్పు - 2 టేబుల్‌ స్పూన్లు.
తయారుచేసే విధానం: కొర్రలను దోరగా వేగించి చల్లారిన తర్వాత బరకగా పొడి చేసుకోవాలి. నేతిలో జీడిపప్పులు వేగించాలి. అదే కడాయిలో కొర్రలు, పంచదార, యాలకుల పొడులు వేసి కొద్దిసేపు వేగించి మంట తీసెయ్యాలి. చల్లారిన తర్వాత తేనె కలిపి, లడ్డూలు చేసుకుని జీడిపప్పుతో అలంకరించాలి.