ఖతార్‌ అంబాసిడర్‌ టు జర్మనీ సౌద్‌ బిన్‌ అబ్దుల్‌ రహ్మాన్‌ అల్‌ థని మాట్లాడుతూ, ఖతార్‌ నుంచి 40 శాతం గ్యాస్‌ అవసరాలు యూఏఈకి తీరుతున్నాయని, ఈ సంబంధాలు ప్రస్తుతానికి తెగతెంపులు చేసుకోలేదని తెలిపారు. సార్జా నేషనల్‌ ఆయిల్‌ కార్పొరేషన్‌ చీఫ్‌ ఎగ్జిక్యూటివ్‌ కూడా ఇదే విషయాన్ని ధృవీకరించారు. రీజియన్‌లో ఏర్పడ్డ ప్రత్యేక పరిస్థితుల కారణంగా గ్యాస్‌ సప్లయ్‌పై ఎలాంటి ప్రభావం పడబోదని చెప్పారాయన. అబుదాబీ - ఖతార్‌ మధ్య గ్యాస్‌ పైప్‌లైన్‌ ద్వారా ఇదివరకటిలానే సరఫరా జరుగుతోందని హతీమ్‌ అల్‌ మోసా చెప్పారు. డాల్ఫిన్‌ గ్యాప్‌ పైప్‌లైన్‌ ఖతార్‌ నార్త్‌ ఫీల్డ్‌ని యూఏఈ మరియు ఒమన్‌తో కలుపుతోంది. ఇది గల్ఫ్‌ రీజియన్‌లో తొలి క్రాస్‌ బోర్డర్‌ గ్యాస్‌ ప్రాజెక్ట్‌. యూఏఈకి రోజుకి 2 బిలియన్‌ క్యూబిక్‌ ఫీట్‌ గ్యాస్‌ని సరఫరా జరుగుతోంది ఈ పైప్‌లైన్‌ ద్వారా.