సుకుమార్ దర్శకత్వంలో రామ్ చరణ్ నటిస్తున్న చిత్రం 'రంగస్థలం 1985'. సమంత కథానాయిక. మైత్రీ మూవీ మేకర్స్ పతాకంపై నిర్మిస్తున్నారు. దేవిశ్రీ స్వరాలు సమకూరుస్తున్నారు. గత కొన్ని రోజులుగా రాజమండ్రిలోని పలు అందమైన లొకేషన్లలో ఈ చిత్రం చిత్రీకరణ జరుగుతోంది. అక్కడ షూటింగ్ షెడ్యూల్ను తాజాగా పూర్తి చేసుకున్నట్లు చిత్ర బృందం తెలిపింది. ఈ సందర్భంగా రామ్చరణ్ గ్రామస్థులను పలకరిస్తున్న ఫొటోను అభిమానులతో పంచుకుంది. యూనిట్ సభ్యులు హైదరాబాద్ చేరుకున్నట్లు సమాచారం. ఇందులో రామ్ చరణ్, సమంత మునుపెన్నడూ ప్రేక్షకులు చూడని విధంగా కనిపించనున్నట్లు తెలుస్తోంది. వచ్చే ఏడాది సంక్రాంతికి 'రంగస్థలం 1985'ను విడుదల చేయడానికి సన్నాహాలు చేస్తున్నారు.