బ్రిటన్ రాజధానిలండన్లోని క్యామ్డెన్ లాక్ మార్కెట్లో ఆదివారం అర్థరాత్రి భారీ అగ్నిప్రమాదం సంభవించింది. సమాచారం అందుకున్న 70 మంది అగ్నిమాపక సిబ్బంది, పది అగ్నిమాపక శకటాలు ఘటనాస్థలికి చేరుకుని మంటలు అదుపు చేశారు. ఓ భవనంలోని మూడు అంతస్థుల్లో మంటలు వ్యాపించినట్లు అధికారులు తెలిపారు. క్యామ్డెన్ మార్కెట్ ఉత్తర లండన్లోనే ప్రముఖ పర్యాటక స్థలంగా ప్రసిద్ధి చెందింది. అయితే ఈ ఘటనలో ఎవరికీ ఎలాంటి ప్రమాదం జరగలేదని అధికారులు పేర్కొన్నారు. సమయానికి మంటలు అదుపు చేయడంతో పెనుప్రమాదం తప్పిందని.. ఆలస్యమైతే పక్కనున్న రెస్టారెంట్లకు కూడా మంటలు వ్యాపించేవని చెప్పారు. జూన్లో వెస్ట్ లండన్లోని గ్రెన్ఫెల్ టవర్లో చోటుచేసుకున్న భారీ అగ్నిప్రమాదంలో 70 మందికి పైగా ప్రాణాలు కోల్పోయిన సంగతి తెలిసిందే.