సౌదీ అరేబియా: సౌదీ అరేబియాలో బుధవారంనాడు భారీ అగ్నిప్రమాదం జరిగింది. నజ్రాన్ ప్రావిన్స్‌లోని ఓ పాత భవనంలో మంటలు చెలరేగి 11 మంది వలస కార్మికులు అగ్నికి ఆహుతయ్యారు. మృతులంతా భారత్, బంగ్లాదేశ్‌కు చెందిన వలస కార్మికులే. కిటికీలు లేని ఆ ఇంట్లో వీరంతా తలదాచుకుంటున్నారని, ఒక్కసారిగా మంటలు చెలరేగి ఇల్లంతా వ్యాపించాయని, పొగతో ఊపిరాడక వారంతా మృత్యువాతపడ్డారని అధికారులు తెలిపారు. మరో ఆరుగురు తీవ్రంగా గాయపడంతో వారిని వెంటనే ఆసుపత్రికి తరలించామని చెప్పారు. అయితే అగ్నిప్రమాదానికి కారణాలు ఇంకా తెలియాల్సి ఉంది. రియాద్‌లో 90 లక్షల మంది విదేశీ కార్మికులు పనిచేస్తున్నారనీ, వీరిలో ఎక్కువ మంది దక్షిణాయాసియా నుంచి వచ్చిన వారేనని 2015లో విడుదల చేసిన అధికారిక గణాంకాలు చెబుతున్నాయి.