మనామా: హమాద్‌ టౌన్‌లో ఓ వ్యక్తి అధిక మోతాదులో ఆల్కహాల్‌ సేవించి ప్రాణాలు కోల్పోయాడు. రోడ్డుపై నగ్నంగా ఆ వ్యక్తి పడి ఉన్నాడని పబ్లిక్‌ ప్రాసిక్యూషన్‌ ఓ ప్రకటనలో పేర్కొంది. హమాద్‌ టౌన్‌లో మధ్యాహ్నం వేళ ఓ వ్యక్తి తన వాహనాన్ని నడుపుతూ ఉండగా, అక్కడ మృతుడ్ని గుర్తించి, పోలీసులకు సమాచారమిచ్చాడు. మృతదేహానికి పక్కనే ఆల్కహాలిక్‌ బెవరేజెస్‌కి చెందిన క్యాన్స్‌ని పోలీసులు గుర్తించారు. పోలీస్‌ వాహనం, అంబులెన్స్‌ సంఘటనా స్థలానికి చేరుకుని, మృతదేహాన్ని అక్కడి నుంచి తరలించారు. 40 డిగ్రీలకు మించిన ఎండ ఉన్న సమయంలో, రోడ్డుపై నగ్నంగా ఆ వ్యక్తి ఎందుకు పడి ఉన్నాడన్నదానిపై విచారణ జరుగుతోంది.