టాలీవుడ్‌లో డ్రగ్స్‌ వార్తలు విని షాకయ్యానని అన్నాడు నటుడు భానుచందర్. టాలెంట్‌వున్న నటీనటులు, సాంకేతిక నిపుణులు డ్రగ్స్‌కు బానిస కావడం చూస్తుంటే బాధ వేస్తోందన్నారు. డ్రగ్స్‌ వాడితే మరింత డిప్రెషన్‌లోకి వెళ్లిపోతామని, అనుభవ పూర్వకంగా చెబుతున్నానని అన్నాడు.
మూడుదశాబ్దాల కిందట ముంబైలో ఉండగా తాను డ్రగ్స్‌ బారినపడ్డానని, మా అన్నయ్య వచ్చి ఇంతకంటే గొప్ప డ్రగ్‌ ఉందని చెప్పి మార్షల్‌ ఆర్ట్స్‌లో చేర్పించాడని గుర్తు చేశాడు. ఆ రోజు మా బ్రదర్ లేకపోతే తాను ఈపాటికి దేవుడు దగ్గరకు వెళ్లిపోయేవాడినని చెప్పాడు. ఆ శిక్షణతో తాను బయటపడ్డానని, మార్షల్‌ ఆర్ట్స్‌ క్రమశిక్షణ నేర్పుతాయి. డ్రగ్స్‌, మద్యంలో లేనంత కిక్‌ మార్షల్‌ ఆర్ట్స్‌తో వుందన్నాడు.