సింగ్ సినిమాస్ బేనర్ పై నాగేంద్ర సింగ్ నిర్మాతగా, రానా సునీల్ కుమార్ సింగ్ దర్శకత్వం లో నిర్మిస్తున్న www.మీనాబజార్., చిత్రం తొలి షెడ్యూల్ ని హైదరాబాద్ లో, రెండో షెడ్యూల్ బెంగుళూరు, మైసూర్ లో ముగించుకుని, ఈ నెల 17  నుంచి హైదరాబాద్ లో తదుపరి షెడ్యూల్ జరుపుకోనుంది. ఈ షెడ్యూల్ లో రియలిస్టిక్ బజార్ల లో ఖర్చుకి వెనుకాడకుండా పలు కీలక సన్నివేశాలు చిత్రీకరించనున్నారు. 
దర్శకుడు సునీల్ కుమార్ సింగ్ సినిమా గురించి వివరిస్తూ...ఇప్పటికి నలభై  రోజుల షెడ్యూల్స్ లో రెండు పాటలు చిత్రీకరణతో పాటు, అరవై శాతం చిత్రం పూర్తయిందని, అందరు కొత్త ఆర్టిస్టులని తీసుకుని ప్రతి షెడ్యూల్ కి ముందు వాళ్ళతో వర్క్ షాప్ లు నిర్వహించి వాళ్ళ ద్వారా పాత్రలకవసరమైన సహజసిద్ధమైన అభినయాన్ని పొందడంలో సక్సెస్ సాధించామని, ఈ షెడ్యూల్ ముందు కూడా ఒక వారం పాటు వర్క్ షాప్ నిర్వహించామని వివరించారు.