ఒమాన్ ప్రభుత్వం ప్రవాసీయులకు డ్రైవింగ్ లైసెన్సులను జారీ చేయడంలో అనేక ఆంక్షలు విధించిన నేపధ్యంలో, ఒమాన్ దేశంలో కొత్త  ప్రజా రవాణా వ్యవస్థను వేగవంతం చేయవలసిన అవసరం ఎంతైనా ఉంది. రాయల్ ఒమాన్ పోలీసు వారు ఈ విషయమై చర్చించనున్నారనే వార్తలు వ్యాప్తిస్తున్న నేపధ్యంలో, వాహనాలు నడపలేనివారి నుండి ఇందుకు ప్రత్యామ్నాయాలను సూచించాలనే విజ్ఞప్తులు వెల్లువెత్తుతున్నాయి. ఈ విషయమై మస్కట్ మునిసిపల్ కౌంసిల్మేంబర్ సలీమ్ అల్ ఘమ్మారీ మాట్లాడుతూ, ముందు సరైన ప్రజా రవాణా వ్యవస్థను అమలులోకి తెచ్చిన అంతరం మాత్రమే ఇటువంటి నిర్ణయాలను తీసుకోవాలని చెబుతూనే, అందరూ డ్రైవింగ్ లైసెన్సులు ఇస్తే, ఇక ప్రజా రవాణాను ఎవరు ఉపయోగిస్తారని ప్రశ్నించారు.