ప్రముఖ నటుడు కమల్‌హాసన్‌పై పుథియ తమిళగం పార్టీ నేత కృష్ణసామి రూ.100 కోట్లకు పరువు నష్టం దావా వేశారు. కమల్‌తో పాటు తమిళ బిగ్‌బాస్‌ కార్యక్రమంలో పాల్గొంటున్న కొరియోగ్రాఫర్‌ గాయత్రి రఘురామ్‌ తదితరులపై పరువు నష్టం దావా వేశారు.
ఓ ఎపిసోడ్‌లో గాయత్రి రఘురామ్‌ మరో నటి ప్రవర్తన గురించి మాట్లాడుతూ.. ‘మురికివాడల్లో నివసించేవారిలా ఆ ప్రవర్తన ఏంటి’ అని వ్యాఖ్యానించినట్లు సమాచారం. దాంతో మురికివాడల్లో నివసించే ప్రజల మనోభావాలను దెబ్బతీస్తున్నారని, ఆ కార్యక్రమానికి వ్యాఖ్యాతగా వ్యవహరిస్తున్న కమల్‌హాసన్‌ కూడా మద్దతిస్తున్నారని పేర్కొంటూ కృష్ణసామి ఈ దావా వేశారు. మరో వారం రోజుల్లో కమల్‌ క్షమాపణలు చెప్పాలని నోటీసులో పేర్కొన్నారు. దీనిపై కమల్‌ స్పందించాల్సి ఉంది.