రియాద్‌: ఓ మహిళకు సంబంధించిన ఫొటోల్ని సోషల్‌ మీడియాలో పోస్ట్‌ చేయడం ద్వారా ఆ మహిళను బ్లాక్‌మెయిలింగ్‌ చేసిన వ్యక్తిని పోలీసులు సౌదీ యాంటీ సైబర్‌ క్రైమ్‌ చట్టం కింద అరెస్ట్‌ చేశారు. బాధితురాలికీ, నిందితుడికీ మధ్య సంభాషణను పరిశీలించిన అనంతరం పోలీసులు ఇన్వెస్టిగేషన్‌ని పక్కాగా చేపట్టారు. కారులో ఉన్న అతన్ని అరెస్ట్‌ చేసే క్రమంలో నిందితుడు ఎదురుతిరిగాడని పోలీసులు వెల్లడించారు. ఇంకో వైపున అతను ఉపయోగిస్తున్న కారుకి వేరే కారు నెంబర్‌ ప్లేట్‌ ఉన్నట్లు గుర్తించారు పోలీసులు. నిందితుడ్ని పోలీసులు కస్టడీలోకి తీసుకున్నారు.