దేశం మొత్తం 71వ స్వాతంత్ర్య దినోత్సవ వేడుకలను జరుపుకొంటుంది. దేశ వ్యాప్తంగా మువ్వన్నెల జెండాలు రెపరెపలాడుతున్నాయి. విద్య, ఉద్యోగ, రాజకీయ తదితర సంస్థల్లో జాతీయ జెండాను ఆవిష్కరించి పంద్రాగస్టు వేడుకను జరుపుకొంటున్నారు. కాగా 71 వ స్వాతంత్ర్య దినోత్సవం సందర్భంగా ప్రముఖ హీరో, జనసేన అధినేత తనదైన స్టైల్ లో దేశ ప్రజలకు స్వాతంత్ర దినోత్సవ శుభాకాంక్షలు తెలియజేశారు. పవన్ ఎప్పుడైనా, ఎక్కడైనా దేశ సమగ్రతే ముఖ్యం అని చెబుతూ ఉంటారు.. ఈ సారి కూడా పవన్ తన ట్విట్టర్ వేదికగా మళ్ళీ అటువంటి వ్యాఖ్యలనే విషెష్ గా చెప్పారు. "మన దేశ ప్రజలకు స్వాతంత్ర దినోత్సవ శుభాకాంక్షలు". వ్యక్తులకు భిన్నమైన పండగలు ఉండవచ్చు.. కానీ జాతి కి సంబంధించినంత వరకూ ఇదే ఘనమైన పండగ" అని పవన్ తన ట్విట్టర్ వేదికగా ట్వీట్ చేశారు.