పవర్ స్టార్ పవన్ కళ్యాణ్ ప్రస్తుతం త్రివిక్రమ్ శ్రీనివాస్ దర్శకత్వంలో సినిమా చేస్తున్న సంగతి తెలిసిందే. హారికా అండ్ హాసిని క్రియేషన్స్ బ్యానర్ పై భారీ బడ్జెట్ తో తెరకెక్కుతున్న ఈ సినిమా నిర్మాణం నెమ్మదిగా సాగుతోంది. రాజకీయాల్లోనూ బిజీగా ఉన్న పవన్, షూటింగ్ కు పూర్తి సమయం కేటాయించకపోవటమే సినిమా ఆలస్యానికి కారణంగా తెలుస్తోంది.
షూటింగ్ వేగం పెంచాలని భావించిన చిత్రయూనిట్ త్వరలో ఓ భారీ ఫారిన్ షెడ్యూల్ ను ప్లాన్ చేస్తోంది. సెప్టెంబర్ 2న పవన్ పుట్టిన రోజు వేడుకలు ముగిసిన తరువాత విదేశాలకు వెళ్లనున్నారు. యూరప్ లో జరగనున్న ఈ షెడ్యూల్ తో దాదాపు షూటింగ్ పూర్తి చేసే ఆలోచనలో ఉన్నారు. ప్రస్తుతం రామోజీ ఫిలిం సిటీలో వేసిన సెట్ లో ఈ సినిమా షూటింగ్ జరుగుతోంది. పవన్ సరసన కీర్తి సురేష్, అను ఇమ్మాన్యూల్ హీరోయిన్లుగా నటిస్తున్న ఈ సినిమా ఫస్ట్ లుక్ ను పవన్ పుట్టిన రోజు రిలీజ్ చేసేందుకు ప్లాన్ చేస్తున్నారు.