వరుస విజయాలతో ఫుల్ జోష్ మీద ఉన్న అక్కినేని నాగ చైతన్య నటించిన తాజాగా చిత్రం 'యుద్ధం శరణం'. చైతు , లావణ్య త్రిపాఠి జంటగా నటించిన ఈ మూవీ లో ఫ్యామిలీ హీరో శ్రీకాంత్ విలన్ రోల్ లో నటించడం విశేషం. అన్ని కార్య క్రమాలు పూర్తి చేసుకొని ఈ మూవీ సెప్టెంబర్ 8వ తేదీన ప్రపంచవ్యాప్తంగా రిలీజ్ కాబోతుంది.
తమిళ డైరెక్టర్ కృష్ణ ఆర్వి మరిముత్తు దర్శకత్వం వహిస్తుండగా వారాహి చలన చిత్రం బ్యానర్ పై సాయి కొర్రపాటి ఈ మూవీ ని నిర్మించడం జరిగింది. 'పెళ్లి చూపులు' ఫేమ్ వివేక్ సాగర్ సంగీతం అందిస్తుండగా నికేత్ బొమ్మి సినిమాటోగ్రఫీ చేస్తున్నారు. ఈ మూవీ రిలీజ్ కు రెడీ గా ఉండగానే నాగ చైతన్య చందూ మొండేటి దర్శకత్వంలో 'సవ్యసాచి' అనే చిత్రాన్ని ఫిక్స్ చేసాడు. త్వరలోనే ఈ మూవీ సెట్స్ పైకి రానుంది. మైత్రి మూవీ మేకర్స్ వారు ఈ మూవీ ని నిర్మిస్తున్నారు.