భారతీయులు బ్రిటన్‌ నుంచి తిరిగి స్వదేశానికి వెళ్లిపోవాలనుకుంటే వారికి సొమ్ము చెల్లించే పథకాన్ని తీసుకొస్తామని యునైటెడ్‌ కింగ్‌డం ఇండిపెండెన్స్‌ పార్టీ (యూకేఐపీ) నాయకుడు జాన్‌ రీస్‌-ఎవాన్స్‌ ప్రకటించారు. భారతీయులతో పాటు, టాంజానియన్లు, ఇతర దేశీయులకూ ఇది వర్తిస్తుందని చెప్పారు. విదేశీయుల వలసలను వ్యతిరేకించడమే ఆ పార్టీ ప్రధాన అజెండాగా ఉంది. దాని అధినేత కావాలని ప్రయత్నిస్తున్న రీస్‌-ఎవాన్స్‌ బ్రిటన్‌లో ‘అనవసర జనాభా’ను తొలగించాలన్న ఉద్దేశంతో ఈ ప్రకటన చేశారు. వారు స్వదేశాలకు తిరిగి వెళ్లేందుకు ‘ప్రోత్సాహకం’గా 9 వేల పౌండ్లు (దాదాపు రూ.7.40లక్షలు) ఇస్తామని తెలిపారు.