హైదరాబాద్‌లో శుక్రవారం నాలుగు చోట్ల 24 గంటల పాటు మంచినీటిని ఒక రూపాయి, 2 రూపాయలతో తీసుకొనే వాటర్‌ ఏటీఎంలు ప్రారంభమయ్యాయి. జోసబ్‌ ఇండియా ప్రైవేట్‌ లిమిటెడ్‌, నేచర్స్‌ స్ర్పింగ్‌ ఎకో ట్యాప్‌ల సంయుక్త ఆధ్వర్యంలో స్వీడన్‌ టెక్నాలజీ ద్వారా జీహెచ్‌ఎంసీ, జలమండలిల సహకారంతో ఈ వాటర్‌ ఏటీఎంలు పని చేస్తాయి. ప్రతి రోజు వందలాది మంది పర్యటించే ఎన్టీఆర్‌ మార్గంలో మొట్టమొదటి వాటర్‌ ఏటీఎంను గ్రేటర్‌ మేయర్‌ బొంతు రామ్మోహన్‌, జీహెచ్‌ఎంసీ కమిషనర్‌ డాక్టర్‌ జనార్దన్‌రెడ్డి, కార్పొరేటర్‌ విజయారెడ్డి ప్రారంభించి కాయిన్‌ ద్వారా మంచినీటిని పొంది పరిశీలించారు.