ప్రస్తుతం టాలీవుడ్ స్టార్ హీరోలందరిలోకి అత్యంత ఇబ్బందుల్లో ఉన్న హీరో ఎవరు అంటే మాస్ మహారాజా రవితేజా పేరు మాత్రమే చెపుతారు. ఒకప్పుడు నిర్మాతలకు మినిమమ్ గ్యారెంటీ హిట్ హీరోగా అనేక విజయాలు అందుకున్న ఈ హీరో గత కొన్నేళ్లలో తీవ్రంగా నెగిటివ్ ట్రెండ్ లో ఉన్నాడు.
ఒకానొక సమయంలో తన దగ్గరికి వచ్చిన ప్రతి సినిమానూ ఒప్పుకుని చాల స్పీడుగా సినిమాలు చేసేయడంతో మాస్ మహారాజాకు ఇలా వరుస ఫ్లాపులు వచ్చాయి అన్న కామెంట్స్ ఉన్నాయి. ఆ మధ్యలో 'బలుపు' 'పవర్' లాంటి సినిమాలతో కొంత వరకు హిట్ ట్రాక్ ఎక్కినా తిరిగి 'కిక్-2' 'బెంగాల్ టైగర్' సినిమాలతో ఫ్లాపుల హీరోగా మారిపోయాడు.
దీనితో దాదాపు రెండేళ్ల విరామం తర్వాత రవితేజ కొత్త సినిమా విడుదలకు రెడీ అవుతోంది. ఈ మూవీ ఎట్టి పరిస్థితులలోను హిట్ కొట్ట వలిసిన పరిస్థితులు ఏర్పడ్డాయి. మరి ఇలాంటి అయోమ పరిస్థితులలో రవితేజ తన ఒక నాటి మిత్రుడు శ్రీను వైట్లను ఆదుకోవడానికి ప్రయత్నాలు చేస్తూ ఉండటం టాక్ ఆఫ్ ది టాలీవుడ్ గా మారింది.
'ఆగడు' 'బ్రూస్ లీ' 'మిస్టర్' లాంటి డిజాస్టర్లతో కెరీర్ పాతాళానికి పడిపోయిన శ్రీను వైట్లతో సినిమాలు చేయాడానికి మిడిల్ రేంజ్ హీరోలు కూడ భయ పడిపోతున్న నేపధ్యంలో మాస్ రాజా తానూ ధైర్యం చేయడమే కాకుండా ఆ మూవీ ప్రాజెక్ట్ కు నిర్మాతను కూడ సెట్ చేయడం పెద్ద హాట్ న్యూస్ గా మారింది. అయితే 'రాజా ది గ్రేట్' ఫలితంలో తేడాలు వస్తే రవితేజ ఆలోచనలలో కూడ మార్పులు రావచ్చు అని అంటున్నారు.
ప్రస్తుతం ఈ ప్రాజెక్ట్ కు సంబంధించిన స్క్రిప్ట్ ను పూర్తి చేసే పనిలో దర్శకుడు శ్రీనువైట్ల చాల బిజీగా ఉన్నట్లు టాక్. మరి ఈచివరి అవకాశాన్ని శ్రీను వైట్ల ఎంత వరకు ఉపయోగించుకోగలడో చూడాలి..