మనామా: కమర్షియల్‌ రిజిస్ట్రేషన్‌ రుసుము పెంపు నిర్ణయాన్ని ఆరు నెలలపాటు పోస్ట్‌పోన్‌ చేసినట్లు మినిస్ట్రీ ఆఫ్‌ ఇండస్ట్రీ కామర్స్‌ మరియు టూరిజం వెల్లడించింది. ముందుగా ఈ ఫీజు పెంపు నిర్ణయాన్ని సెప్టెంబర్‌ 12 నుంచి అమలు చేయాలనుకున్నారు. తాజా నిర్ణయంతో మార్చి 2018 తర్వాత ఈ ఫీజు పెంపు ఉండొచ్చు. మినిస్ట్రీ ఆఫ్‌ ఇండస్ట్రీ, కామర్స్‌ అండ్‌ టూరిజం అలాగే బహ్రెయిన్‌ ఛాంబర్‌ ఆఫ్‌ కామర్స్‌ అండ్‌ ఇండస్ట్రీ మధ్య చర్చల అనంతరం ఈ వాయిదా నిర్ణయం తీసుకోవడం జరిగింది. ప్రైమ్‌ మినిస్టర్‌ ప్రిన్స్‌ ఖలీఫా బిన్‌ సల్మాన్‌ అల్‌ ఖలీఫా, ప్రిన్స్‌ సల్మాన్‌ బిన్‌ హమాద్‌ అల్‌ ఖలీఫా సూచనల మేరకు ఈ చర్చలు జరిగాయి. చిన్న వ్యాపారులు, ట్రేడర్స్‌కి సంబంధించిన ఆర్థిక స్థితిగతులపై స్టడీ చేయడానికి ఈ పొడిగింపు ఉపయోగపడ్తుందని బిసిసిఐ వెల్లడించింది.