లక్ష్మీరాయ్ మూవీ 'జూలీ 2' విడుదలకు అంతా సిద్ధమైంది. సెన్సార్ పనులు పూర్తి చేసుకోవడంతో అక్టోబర్ 6న థియేటర్స్‌కి రానుంది. ట్రైలర్ వచ్చినప్పుడే సెన్సార్ నుంచి అభ్యంతరాలు వస్తాయని చాలామంది అనుకున్నారు. కానీ, కొత్త ఛైర్మన్ ప్రసూన్ జోషి ఎలాంటి కటింగులు పడకుండా 'ఎ' సర్టిఫికెట్ ఇవ్వడం విశేషం. సీబీఎఫ్‌సీ మాజీ ఛైర్మన్ పహ్లజ్ నిహలానీ ఈ ఫిల్మ్‌కి డిస్ట్రిబ్యూటర్‌గా వ్యవహరిస్తున్నారు.
సెన్సార్ విషయంలో ఏ జడ్జిమెంట్ ఇచ్చినా తాను అంగీకరిస్తానని ఆయన చెప్పిన సంగతి తెలిసిందే! ట్రైలర్‌లో అంతా రివీల్ కావడంతో సెన్సార్ కత్తెరలు వేయలేదని అంటున్నవాళ్లు లేకపోలేదు. ఇక రతి అగ్నిహోత్రి, సాహిల్ సలాతియా, ఆదిత్య శ్రీ వాస్తవ, రవికిషన్, పంకజ్ త్రిపాఠి, ప్రధాన పాత్రల్లో రూపొందుతున్న ఈ చిత్రం.. బాలీవుడ్‌లోవున్న చీకటి కోణంతోపాటు అండర్ వరల్డ్ - రాజకీయాల లింకుల గురించి ఇందులో ప్రస్తావించనున్నట్లు సమాచారం.