- రైల్వే స్టేషన్స్‌, షాపింగ్‌ మాల్స్‌, యూనివర్సిటీల్లో ప్రత్యేక బృందాల తనిఖీలు 
రష్యాలో పలు ప్రాంతాల్లో బాంబులు అమర్చినట్టు పోలీసులకు బెదిరింపు కాల్‌ వచ్చింది. ఈనేపథ్యంలో బాంబు స్క్వాడ్‌ బృందాలు అప్రమత్తమ య్యాయి. రైల్వేస్టేషన్స్‌, షాపింగ్‌ మాల్స్‌, యూనివర్సిటిల్లో ఏకకాలంలో ముమ్మర సోదాలు నిర్వహించాయి. దాదాపు 10వేల మందిని ఆ ప్రాంతాల నుంచి సురక్షితంగా బయటకు పంపించాయి. దేశ వ్యాప్తంగా 26 కీలక ప్రాంతాల్లో తనిఖీలు చేపట్టినట్టు పోలీస్‌ ఉన్నతాధికారులు తెలిపారు. ఫోన్‌ కాల్‌ చేసి తప్పుడు సమాచారాన్ని అందించిన అజ్ఞాత వ్యక్తి కోసం గాలిస్తున్నామని అన్నారు.