రియాద్‌: ఇంటర్నెట్‌ వాయిస్‌ మరియు వీడియో కాలింగ్‌ యాప్స్‌పై సౌదీ అరేబియా కీలక నిర్ణయం తీసుకుంది. వచ్చేవారం వీటిపై నిషేధాన్ని ఎత్తివేయనున్నారు. కమ్యూనికేషన్‌ మరియు ఇన్ఫర్మేషన్‌ టెక్నాలజీ కమిషన్‌, టెలికమ్యూనికేషన్స్‌ సర్వీస్‌ ప్రొవైడర్‌ మధ్య సమన్వయంతో ఈ అప్లికేషన్ల ద్వారా అందరికీ వెసులుబాటు కలిగేలా చర్యలు తీసుకోనున్నట్లు మినిస్టర్‌ ఆఫ్‌ కమ్యూనికేషన్స్‌ అండ్‌ ఇన్ఫర్మేషన్‌ టెక్నాలజీ అబ్దుల్లా బిన్‌ అమెర్‌ అల్‌ సవాహా చెప్పారు. ఈ యాప్స్‌ ఎనేబిలింగ్‌కి సంబంధించి ఆయా సంస్థలు అందిస్తున్న సహకారాన్ని ఆయన అభినందించారు. 2030 డిజిటల్‌ సొసైటీ లైన్‌లో భాగంగా సాంకేతిక రంగంలో పలు కీలకమైన నిర్ణయాల్ని సౌదీ ప్రభుత్వం తీసుకుంటోంది.