ఆర్టీసీ ప్రయాణికులు ఇక ఏ ప్రాంతం నుంచైనా బస్‌ టికెట్లను బుక్‌ చేసుకోవచ్చు. వెళ్లాలనుకున్న ప్రాంతాల కు సీట్లను రిజర్వ్‌ చేసుకోవచ్చు. బస్సులో ఎన్ని సీట్లు రిజర్వ్‌ అయ్యాయి, ఎన్ని మిగిలి ఉన్నాయి, ఏయే నంబర్‌ సీట్లు ఖాళీగా ఉన్నాయన్న వివరా లు తెలుసుకోవచ్చు. ఇలాంటి సమగ్ర సమాచారంతో టీఎ్‌సఆర్టీసీ త్వరలో ఓ మొబైల్‌ యాప్‌ను రూపొందించనుంది. సంస్థలోని సాంకేతిక నిపుణులు ఈ సమాచారాన్ని క్రోడీకరిస్తున్నారు. ఈ యాప్‌ ప్రజలకు త్వరలో అందుబాటు లోకి రానుందని ఆర్టీసీ వర్గా లు తెలిపాయి. ఇప్పుడు అందుబాటులో ఉన్న ఆన్‌లైన్‌ బస్‌ టికెట్ల బుకింగ్‌ సౌకర్యం ఇళ్లలో కంప్యూటర్లు ఉన్నవారికి మాత్రమే ఉపయోగపడుతోంది. కంప్యూటర్లు లేని వారి కోసమే ఆర్టీసీ మొబైల్‌ యాప్‌ తీసుకురానుంది. ఉబర్‌, ఓలా వంటి క్యాబ్‌ సర్వీసుల నిర్వాహకులు ప్రత్యేక మొబైల్‌ యాప్‌లతో సేవలందిస్తున్న విషయం తెలిసిందే. ఆర్టీసీ తీసుకొచ్చే యాప్‌ను కూడా శాశ్వతంగా మొబైల్‌ ఫోన్‌లో డౌన్‌లోడ్‌ చేసి పెట్టుకోవచ్చు. ఆర్టీసీ బస్సులో ప్రయాణం చేయాలనుకున్నప్పుడల్లా యాప్‌ను ఓపెన్‌ చేసి టికెట్లు బుక్‌ చేసుకోవచ్చు. ఆండ్రాయిడ్‌ ఫోన్‌ చేతిలో ఉంటే క్యాబ్‌ల మాదిరిగా ఎక్కడి నుంచైనా ఆర్టీసీ సీట్లు రిజర్వ్‌ చేసుకోవచ్చు.

సర్వీస్‌ నంబర్లను ఎంటర్‌ చేయగానే బస్సులో ఖాళీ సీట్లు, రిజర్వ్‌ అయిన సీట్ల వివరా లు తెలుస్తాయి. సర్వీస్‌ నంబర్లు కూడా రూట్‌ ఆధారంగా తెలిసిపోతాయి. బహుళ ప్రయోజకారి యాప్‌ను త్వరలో ప్రయాణికులకు అందుబాటులోకి తీసుకొస్తామని అధికారులు చెబుతున్నారు.