వాహనదారులు ఇకపై మొబైల్‌ రాడార్స్‌ విషయంలో అప్రమత్తంగా ఉండాల్సిందే. ప్రముఖ రోడ్లపై మొబైల్‌ రాడార్లను ఏర్పాటు చేసి, ఉల్లంఘనుల్ని గుర్తించి, భారీగా జరీమానాలు విధించడం, అలాగే కఠిన చర్యలు చేపట్టడం షురూ చేసినట్లు షార్జా పోలీసులు వెల్లడించారు. రోడ్లపై మితిమీరిన వేగంతో వాహనాలు నడపడం వల్ల ప్రమాదాలకు ఆస్కారమేర్పడుతోందని, అలాంటి ప్రమాదాల్ని నివారించేందుకు మొబైల్‌ రాడార్లను ఏర్పాటు చేశామని, ఉల్లంఘనుల ఆట కట్టిస్తామని అధికారులు పేర్కొన్నారు. మలిహా రోడ్‌, అల్‌ ధైద్‌ హైవే, షేక్‌ మొహమ్మద్‌ బిన్‌ జాయెద్‌ రోడ్లపై మొబైల్‌ రాడార్లను ఏర్పాటు చేశారు.