రియాద్: సౌదీ అరేబియా రియల్ ఎస్టేట్ ధరల సూచీ 2025 నాల్గవ త్రైమాసికంలో 0.7 శాతం తగ్గుదలను నమోదు చేసింది. ఈ మేరకు జనరల్ అథారిటీ ఫర్ స్టాటిస్టిక్స్ (GASTAT)  విడుదల చేసిన రియల్ ఎస్టేట్ ధరల సూచీ (REPI) నివేదిక తెలిపింది.

ముఖ్యంగా నివాస రంగ ధరలలో 2.2 శాతం తగ్గుదల నమోదు కాగా, నివాస భూముల ధరలలో 2.4 శాతం, అపార్ట్‌మెంట్ ధరలలో 2.5 శాతం, విల్లాల ధరలలో 1.3 శాతం మరియు నివాస అంతస్తుల ధరలలో 0.2 శాతం తగ్గుదల నమోదైనట్లు నివేదిక తెలిపింది.

రియల్ ఎస్టేట్ ధరల సూచీ 2025 మూడవ త్రైమాసికం నుండి 0.4 శాతం తగ్గింది. నివాస మరియు వాణిజ్య రంగాలు రెండింటిలోనూ 0.4 శాతం తగ్గుదల దీనికి కారణం కాగా, వ్యవసాయ ధరలు 0.7 శాతం తగ్గాయని పేర్కొంది.