కింగ్‌ ఫహద్‌ స్టేడియంలోకి తొలిసారిగా మహిళలకు ప్రవేశం కల్పిస్తూ సౌదీ అరేబియా నిర్ణయం తీసుకుంది. ఈ స్టేడియంలో ఎక్కువగా ఫుట్‌బాల్‌ పోటీలు జరుగుతుంటాయి. కింగ్‌డమ్‌ 87వ జాతీయ దినోత్సవాలు ఈ వారాంతంలో జరగనున్న దరిమిలా, స్టేడియంలోకి ప్రవేశించేందుకు మహిళలకూ అవకాశం కల్పిస్తున్నారు. స్టేడియంలో మొత్తం 40,000 మందికి చోటు ఉంటుంది. ఇండివిడ్యువల్స్‌, ఫ్యామిలీస్‌ని సెపరేట్‌ చేస్తూ సీటింగ్‌ ఏర్పాటు చేసినట్లు అధికారులు వెల్లడించారు. విజన్‌ 2030లో భాగంగా మహిళలకూ కొన్ని రంగాల్లో అవకాశం కల్పించాలనే ఉద్దేశ్యంతో ఈ నిర్ణయం తీసుకున్నట్లు అధికారులు చెబుతున్నారు.