కువైట్‌ సిటీ: డిజేబుల్డ్‌ అయిన ఐదేళ్ళ చిన్నారిని హతమార్చిన కేసులో ఓ మహిళ, ఓ వ్యక్తిపై విచారణ అక్టోబర్‌ 4వ తేదీకి వాయిదా పడింది. ఆగస్ట్‌లో ఆపరేషన్స్‌ రూమ్‌ - మినిస్ట్రీ ఆఫ్‌ ఇంటీరియర్‌కి ఓ ఫోన్‌ కాల్‌ అందింది. ఓ మహిళ, తన కుమార్తె అచేతనావస్థలో పడి ఉందని ఆ ఫోన్‌ కాల్‌ ద్వారా తెలియజేసింది.అల్‌ కోసుర్‌ ప్రాంతంలో ఈ ఘటన చోటు చేసుకుంది. సెక్యూరిటీ సిబ్బంది, పారామెడిక్స్‌ వెంటనే అక్కడికి చేరుకున్నారు. అయితే అప్పటికే ఆమె చనిపోయినట్లు వారు గుర్తించారు. ఆమె ఒంటిపై గాయాలున్నట్లుగా ప్రాథమికంగా నిర్ధారించడం జరిగింది. విచారణలో ఇది హత్యగా నిర్ధారణ అయ్యింది. దాంతో, తల్లిని అదుపులోకి తీసుకున్నారు. తరచూ ఆమె బాయ్‌ఫ్రెండ్‌ కూడా ఆ ఇంటికి వచ్చేవాడని తెలుసుకున్న పోలీసులు, అతన్ని కూడా అదుపులోకి తీసుకున్నారు. విచారణలో నిందితురాలి బాయ్‌ఫ్రెండ్‌, చిన్నారిని తీవ్రంగా, కొట్టి హింసించాడని పోలీసులు నిర్ధారించారు.