కేవలం పుట్టిన ఆరు నిమిషాలకే ఆధార్‌ నెంబరు తీసుకున్న చిన్నారిగా భావనా సంతోష్‌ జాదవ్‌ నిలిచింది. ఆదివారం మధ్యాహ్నం 12.03 గంటల సమయంలో ఉస్మానాబాద్‌కు చెందిన ఓ మహిళ.. జిల్లా ఆసుపత్రిలో ప్రసవించింది. అయితే.. పుట్టిన ఆరు నిమిషాలకే అంటే 12.09కే చిన్నారి భావనాకు ఆధార్‌ నమోదు చేయించారు. జిల్లా కలెక్టర్‌ రాధాకృష్ణ ఆ బుజ్జాయి జనన, ఆధార్‌ నమోదు ధ్రువీకరణ పత్రాలను తల్లిదండ్రులకు అందజేశారు.
పాప పుట్టిన ఆరు నిమిషాలకే ఆధార్‌ నమోదు చేయించడం గర్వంగా ఉందని, త్వరలోనే అందరి చిన్నారులకు ఆధార్‌ను కార్డులు ఇస్తామని కలెక్టర్‌ తెలిపారు.