విశాఖ సాగరతీరం ముద్దు గుమ్మల క్యాట్‌వాక్‌తో హోరెత్తింది. ఆర్కే బీచ్‌లోని ఎంజీఎం గ్రౌండ్స్‌లో జరిగిన ఫ్యాషన్‌లో నగర వాసులను ఆకట్టుకుంది. 190 అడుగుల ర్యాంప్‌పై మోడల్స్ సరికొత్త వస్త్ర శ్రేణితో అలరించారు. ఓ మ్యాగజైన్ ఆధ్వర్యంలో నిర్వహించిన ఈ ఫ్యాషన్‌ షోలో దాదాపు 30 మంది మోడల్స్ పాల్గొన్నారు. వివిధ విభాగాల ఆధారంగా దేశం మొత్తం నుంచి పార్టిసిపెంట్స్‌ను సెలెక్ట్ చేసినట్లు నిర్వాహకులు తెలిపారు. తమ మ్యాగజైన్‌ను ఫ్యాషన్ మ్యాగజైన్‌గా మార్చేందుకు ఈ ఫ్యాషన్‌ షో నిర్వహించామన్నారు. త్వరలో అమరావతి, భీమవరంలోనూ ఇలాంటి షోలు నిర్వహిస్తామన్నారు.