దుబాయ్‌: దుబాయ్‌లో 37 ఏళ్ళుగా ఉంటోన్న ఓ భారత జాతీయుడికి 1 మిలియన్‌ డాలర్స్‌ డ్యూటీ ఫ్రీ రఫాల్‌ బహుమతి దక్కింది. టిక్కెట్‌ నెంబర్‌ 0338 ద్వారా ఈ బహుమతిని ఆయన గెల్చుకున్నారు. 3.67 బిలియన్‌ దిర్హామ్‌లు ఈ బహుమతి ద్వారా ఆయన అందుకునే అవకాశం దక్కింది. దుబాయ్‌ డ్యూటీ ఫ్రీ మిలీనియన్‌ మిలియనీర్‌ డ్రాలో కలప్పరంబథ్‌ మొహమ్మద్‌ అలి ముస్తఫా అనే వ్యక్తి ఈ బహుమతిని గెల్చుకున్నారు. గల్ఫ్‌ టార్గెట్‌ హోల్డింగ్‌ సంస్థలో సేల్స్‌ రిప్రెజెంటేటివ్‌గా పనిచేసి రిటైర్‌ అయ్యారీయన. ప్రస్తుతం స్వదేశం ఇండియాలోని కేరళ రాష్ట్రంలో ఉంటున్నారాయన. సదరు సంస్థలో 17 ఏళ్ళపాటు పనిచేశారు మొహమ్మద్‌. దుబాయ్‌ ఇంటర్నేషనల్‌ ఎయిర్‌పోర్ట్‌ కాంకోర్స్‌ బి - టెర్మినల్‌ 3 వద్ద ఈ డ్రా జరిగింది. జుమైరా బీచ్‌ హోటెల్‌లో ఆగస్ట్‌లో ఈ టిక్కెట్‌ని మొహమ్మద్‌ కొనుగోలు చేశారు. ఇది ఊహించని బహుమతి అనీ, ప్రస్తుతానికి ఆ డబ్బుతో ఏం చేయాలనే ఆలోచనలు లేవని ఆనందంగా చెప్పారు మొహమ్మద్‌.