దుబాయ్: బరి తెగించిన ఓ కామాంధునికి బస్టాండ్‌ లో కనబడిన మహిళపై అత్యాచారయత్నం చేయబోయి స్థానికులకు దొరికిపోయాడు. గురువారం రాత్రి గం.10-30 బస్ ఎక్కేందుకు ఓ ప్రవాసీ మహిళా బస్టాండ్‌కు వచ్చింది.ఫిలిఫైన్స్ నుంచి దుబాయ్ వచ్చిన ఆమె ఒక నిర్మాణ సంస్థలో అకౌంటెంట్‌గా పనిచేస్తోంది. విధులు ముగించుకొని బస్టాండ్ కి వచ్చింది. ఆ మహిళ బస్సు కోసం నిరీక్షిస్తున్నవేళ అక్కడే తచ్చట్లాడుతున్న  పాకిస్థాన్ కు  చెందిన నిందితుడు  బస్టాండ్ లో  ఎవరూ లేకపోవడం... పూటుగా మద్యం సేవించి ఉన్న నేపథ్యంలో  ఆ వంటరి స్త్రీ పట్ల వెకిలిగా వ్యవహరించాడు. అంతటితో ఆగక  ఒక్కసారిగా ఆమెపైకి దూసుకువెళ్ళాడు. పక్కనే ఉన్నరవాణా సరుకులు నిల్వ చేసే ఒక  కంటెనర్‌లోకి ఆమెను బలవంతంగా లాక్కెళ్లాడు..ఆమె బిగ్గరగా అరిచినప్పటికీ లాభం లేకపోయింది. కొద్దిసేపట్లోనే అదే బస్టాండ్ వద్దకు నలుగురు వ్యక్తులు వచ్చారు. ఆమె అరుపులు విని కంటెనర్‌లోకి ఎక్కారు. ఆమెను రక్షించి ఆసుపత్రికి తరలించారు. నిందితుడిని పోలీసులకు అప్పగించారు. నిందితుడు పాకిస్తాన్ నుంచి దుబాయ్ వచ్చాడని పోలీసులు తెలిపారు. నిర్మాణ సంస్థలో కూలీగా పనిచేస్తున్నాడని వారు తెలిపారు. పోలీసులు అతడిని కోర్టులో హజరుపరిచారు. కోర్టు అతడికి ఆరు నెలలపాటు జైలు శిక్ష విధించింది.