గాడిద. దీని గురించి చాలా తక్కువ మాట్లాడుకుంటాం. కానీ ఇది చేసే పని గురించి మాత్రం ఎక్కువ మాట్లాడుతారు. జర్మనీలో గాడిద ఓ విచిత్ర పని చేసింది. ఆ విషయం కోర్టు వరకు వెళ్లింది. కోర్టులో ఆ గాడిదకు 6,800 డాలర్లు కట్టాలని ఫైన్ విధించింది. మరి గాడిద కట్టిందా...లేదా?
జర్మనీలో ఆరెంజ్ కలర్‌లో ఉన్న ఓ స్పోర్ట్స్ కారును మార్క‌స్ జాన్ కొనుకున్నాడు. తన పార్కింగ్ ప్లేస్‌లో జాన్ పార్క్ చేసుకున్నాడు. జాన్ పొరుగు ఇంట్లో వాళ్లు ఓ గాడిదను పెంచుకుంటున్నారు. ఆ గాడిద దూరంగా ఉన్న ఆరెంజ్ కలర్  స్పోర్ట్స్ కారును చూసి ...క్యారెట్ అనుకొని దానిని కొరికేసింది. కారు డ్యామేజ్ అయింది. ఇది గమనించిన జాన్ గాడిద ఓనర్‌ను నష్టపరిహారం చెల్లించాలని కోరాడు. దానికి గాడిద ఓనర్ నిరాకరించాడు. దీంతో జాన్ కోర్టును ఆశ్రయించాడు. విచారణ చేపట్టిన కోర్టు తప్పు గాడిద ఓనర్ ది అని తేల్చింది. దీంతో గాడిద ఓనర్‌కు 6,800 డాలర్లు ఫైన్ కట్టాలని ఆదేశించింది.