అక్టోబర్‌ 1 నుంచి అమల్లోకి వచ్చి యూఏఈ కొత్త ఎక్సయిజ్‌ ట్యాక్స్‌తో పలు ఉత్పత్తుల ధరలు విపరీతంగా పెరిగాయి. దాంతో ముందుగానే ఎలాంటి ట్యాక్స్‌ లేకుండా ఆయా ఉత్పత్తుల్ని సొంతం చేసుకునేందుకు వినియోగదారులు సూపర్‌ మార్కెట్స్‌కి పరుగులు తీశారు. పొగాకు ఉత్పత్తులు, కెఫినేటెడ్‌ డ్రింక్స్‌, షుగరీ డ్రింక్స్‌ ధరలు 50 శాతం వరకు పెరిగాయి. కొత్త ఎక్సయిజ్‌ ట్యాక్స్‌తో యూఏఈలో కొత్త శకం ప్రారంభమయ్యిందని ఆర్థిక రంగ నిపుణులు అంచనా వేస్తున్నారు. టొబాకో ఉత్పత్తులపై అధికరంగా పన్నులు వసూలు చేయడాన్ని పలువురు స్వాగతిస్తే, ఇంకొందరు (పొగాకు ప్రియులు) పెదవి విరిచారు.