మనామా: వీధి కుక్కలు, క్యాపిటల్‌ రీజియన్‌లో నివాసితులకు ఇబ్బందికరంగా మారాయి. ముఖ్యంగా పిల్లలు, వృద్ధులు వీటి కారణంగా ప్రమాదాలు ఎదుర్కొంటున్నారు. అవాల్‌ సినిమా ఏరియాగా ప్రాచుర్యం పొందిన అల్‌ జుబారా అవెన్యూ వద్ద వీధి కుక్కలు పెద్ద సంఖ్యలో కనిపిస్తున్నాయి. అక్కడ నివసిస్తున్నవారికి భద్రత పరంగా ఇవి పెను ప్రమాదకరంగా మారినట్లు అక్కడివారు వాపోతున్నారు. పెద్ద సంఖ్యలో కుక్కలు, గ్రూపులుగా ఏర్పడి మనుషులపై దాడికి దిగుతున్నాయనే ఫిర్యాదులు కనిపిస్తున్నాయి. ఈ కారణంగా అటువైపు వెళ్ళడానికే భయపడుతున్నామనీ, పార్క్‌లో ఆడుకోవడానికి పిల్లలు వెళ్ళడానికి ఇష్టపడటంలేదని తల్లిదండ్రులు చెబుతున్నారు. మునిసిపాలిటీ అధికారులు తక్షణం వీధి కుక్కల బెడద నుంచి తమను రక్షించాలని ప్రజలు విజ్ఞప్తి చేయడం జరుగుతోంది.