దుబాయ్‌ మునిసిపాలిటీ, నైఫ్‌ మార్కెట్‌లో 1000 మంది ప్రజల్ని కేవలం నాలుగు నిమిషాల్లోపే ఖాళీ చేయించడం జరిగింది. అయితే ఇదంతా ఓ 'డ్రిల్‌'లో భాగమే కావడం గమనించదగ్గ అంశం. పబ్లిక్‌ హెల్త్‌ అండ్‌ సేఫ్టీకి సంబంధించి అత్యవసర పరిస్థితుల్లో వ్యవహరించాల్సిన తీరుపై ఈ డ్రిల్‌ని నిర్వహించినట్లు దుబాయ్‌ మునిసిపాలిటీ వర్గాలు వెల్లడించాయి. హెల్త్‌ అండ్‌ సేఫ్టీ డిపార్ట్‌మెంట్‌ డైరెక్టర్‌, కార్పొరేట్‌ ఎమర్జన్సీ అండ్‌ క్రైసిస్‌ టీమ్‌ హెడ్‌ మాట్లాడుతూ, అత్యంత పకడ్బందీగా ఈ డ్రిల్‌ చేపట్టామని అన్నారు. షాప్‌ల నిర్వాహకులు కూడా తమకు పూర్తిగా సహకరించారనీ, అనుకోని సందర్భాల్లో ఎలాంటి ప్రమాదం లేకుండా ప్రజలు జాగ్రత్తగా బయటపడటమెలాగో తెలియజేశామని ఆయన చెప్పారు. 265 షాప్‌లు కలిగి ఉన్న నైఫ్‌ మార్కెట్‌ని నిత్యం వేలాదిమంది సందర్శిస్తుంటారు.