పాకిస్థాన్ మాజీ క్రికెటర్, పాకిస్థాన్ తెహ్రీక్ ఇన్సాఫ్ పార్టీ చైర్మన్ ఇమ్రాన్ ఖాన్‌కు ఇవాళ ఆ దేశ ఎన్నికల సంఘం నాన్ బెయిలబుల్ అరెస్టు వారెంట్ జారీ చేసింది. కోర్టు ధిక్కరణ కేసులో ఎన్నికల సంఘం ఈ ఆదేశాలు ఇచ్చింది. పెండింగ్ కేసులో ఇమ్రాన్ ఖాన్ వరుసగా కోర్టుకు హాజరుకావడం లేదు. కోర్టుకు రాలేకపోతున్నట్లు కూడా ఇమ్రాన్ రాతపూర్వక క్షమాపణ ఇప్పటి వరకు ఇవ్వలేదు. దీంతో ఈ కేసులో ఇవాళ ఎన్నికల సంఘం ఇమ్రాన్‌కు నాన్‌బెయిలబుల్ అరెస్టు వారెంట్ జారీ చేసింది. ఈనెల 26వ తేదీన జరగనున్న విచారణకు ఇమ్రాన్‌ను పట్టుకు రావాలని కోర్టు ఆదేశించింది. పార్టీ వ్యవస్థాపక సభ్యుడు అక్బర్ వేసిన కేసులో ఇమ్రాన్‌పై ఈ ఆదేశాలు జారీ చేశారు. ఎన్నికల సంఘం అక్రమాలకు పాల్పడినట్లు గతంలో ఇమ్రాన్ ఆరోపణలు చేశారు. ఆ కేసులోనే ఈ విచారణ కొనసాగుతున్నాయి.