మస్కట్‌: నార్త్‌ అల్‌ బతినాలో పోలీసులు, ఓ వ్యక్తిని కార్‌ డ్రిఫ్టింగ్‌ ద్వారా ఇతరులకు ఇబ్బందికరమైన రీతిలో వ్యవహరిస్తున్నందుకుగాను అరెస్ట్‌ చేశారు. సోహార్‌లోని కువైరియాలో ఈ వ్యక్తిని అదుపులోకి తీసుకున్నారు. రాయల్‌ ఒమన్‌ పోలీసులు వెల్లడించిన వివరాల ప్రకారం, నిందితుడిపై అవసరమైన చట్టపరమైన చర్యలు తీసుకోన్నుట్లు తెలియవస్తోంది. నిందితుడు ఉల్లంఘించిన నిబంధన శిక్షార్హమని తెలిపారు పోలీసులు. ఈ తరహా ఘటనలు చోటుచేసుకుంటే వెంటనే ఫిర్యాదు చేయాల్సిందిగా పోలీసులు పౌరులకు విజ్ఞప్తి చేశారు.