భారత్‌కు చెందిన ఓ టీనేజీ కుర్రాడు యూకేలో అత్యంత యువ ధనవంతుల జాబితాలో స్థానం సంపాదించాడు. అక్షయ్‌ రూపరేలా (19) అనే తొమ్మిదో తరగతి విద్యార్థి డోర్‌స్టెప్స్‌ పేరిట ఆన్‌లైన్‌ ఎస్టేట్‌ సంస్థను నడుపుతున్నాడు. స్కూల్‌కు వెళ్తూనే ఆన్‌లైన్‌లో ఇళ్ల వ్యాపారం చేస్తున్నాడు. కంపెనీని ప్రారంభించిన 16 నెలల్లోనే సుమారు రూ. 103 కోట్ల లాభాలను ఆర్జించాడు. అంతేకాదు సుమారు రూ. 860 కోట్ల వ్యాపారం చేశాడు. తాజాగా డోర్‌స్టెప్స్‌ కంపెనీ యూకేలో 18వ అతిపెద్ద ఎస్టేట్‌ ఏజెన్సీగా రికార్డుల కెక్కింది. బంధువులు నుంచి అప్పు తీసుకొని కేవలం రూ. 6లక్షల పెట్టుబడితో అక్షయ్‌ ఈ కంపెనీని ప్రారంభించాడు.