మహిళలు ఏదో ఒక చోట ఏదో ఒక సందర్భంలో లైంగిక వేధింపులు ఎదురుకుంటున్నారు. ప్రముఖ హాలీవుడ్ నిర్మాత హార్వీ వీన్ స్టెయిన్ దాదాపు 30 మంది నటిమణులను లైంగికంగా వేధించినట్టు ఆరోపణలు ఎదురుకుంటున్న విషయం తెలిసిందే. దీని పై సమగ్ర విచారణ జరగుతుంది. ఈ దాడులను నిరసిస్తూ...వేధింపులకు గురైన మహిళలంతా బయటికి రావాలని అమెరికన్ యాక్టరస్ అలిసా మిలానో కోరింది. ఇందుకోసం హ్యాష్ ట్యాగ్ మీ టూ( #MeToo) ఉపయోగించాలని  సూచించింది. 

దీనికి సోషల్ మీడియాలో ట్రెమండస్ రెస్పాన్స్ వస్తుంది. సెలెబ్రిటీలు, ఆఫీసులో పని  చేసే స్త్రీలు, కాలేజీ అమ్మాయిలు...ఇతర రంగంలో వేధింపులు ఎదుర్కొంటున్న మహిళలు తమకు జరిగిన అన్యాయాన్ని మీ టూ అంటూ చెప్పుకుంటున్నారు. ఇలాంటి వేధింపులకు స్వస్తి చెప్పడానికి మేము సైతం అంటూ సినిమా, రాజకీయ, కార్పొరేట్, ఐటీ ఇలా అన్ని రంగాల్లోని మహిళలు కదం తొక్కారు. దీంతో ఇప్పుడు మీ టూ ( #MeToo) సోషల్ మీడియాలో ట్రెండింగ్‌గా మారింది.