ఉయ్యాలా జంపాల , సినిమా చూపిస్తా మావ, ఈడో రకం వాడో రకం సినిమాలతో రాజ్ తరుణ్ హిట్స్ అందుకున్నప్పటికీ , ప్రస్తుతం మాత్రం వరుస డిజాస్టర్లతో సతమతవుతున్నాడు..ఓ హిట్ పడితే కానీ మనోడి జాతకం మారదు. ప్రస్తుతం రాజ్ తరుణ్ ఎకె ఎంటర్ టైన్ మెంట్స్ బ్యానర్ లో నూతన దర్శకురాలు సంజనారెడ్డి దర్శకత్వం లో రాజుగాడు అనే సినిమా చేస్తున్నాడు.

ఈ సినిమాను 2018 సంక్రాంతి బరిలో దించుతున్నట్లు చిత్ర యూనిట్ అధికారిక పోస్టర్ ను దీపావళి కానుకగా రిలీజ్ చేసారు. సంక్రాంతి బరిలో పవన్ కళ్యాణ్, త్రివిక్రమ్ మూవీతోపాటు రామ్ చరణ్ రంగంస్థలం , శంకర్ రోబో 2 చిత్రాలు రాబోతున్నాయి. ఈ నేపథ్యం లో రాజుగాడు ఎలా హిట్ కొడతాడో చూడాలి.

మరో పక్క నిర్మాత రామబ్రహ్మం సుంకర మాట్లాడుతూ - " రాజుగాడు సినిమా చేయడం ఎంతో ఆనందంగా ఉంది. సినిమా చాలా బాగా వచ్చింది. లేడీ డైరెక్టర్‌ సంజనారెడ్డి సినిమాను అద్భుతంగా తెరకెక్కించారు. కామెడీ, లవ్‌, యాక్షన్‌ ఇలా అన్నీ ఎలిమెంట్స్‌ ఉన్న ఎంటర్‌టైనర్‌ ఇది. రాజ్‌తరుణ్‌ను సరికొత్త పాత్రలో చూస్తారు. రాజేంద్రప్రసాద్‌గారు, రావు రమేష్‌గారు కీలక పాత్రల్లో నటించారు.