ప్రస్తుతం అన్ని సినిమా ఇండస్ట్రీ లలో బయోపిక్ ల హావ నడుస్తుంది..గొప్ప గొప్ప నాయకులు, సినిమా ఇండస్ట్రీ పెద్దల జీవిత గాధలను తెరకెక్కించేందుకు ఆరాట పడుతున్నారు. తెలుగు విషయానికి వస్తే ఇప్పటికే నందమూరి తారకరామారావు బయోపిక్ లు వస్తున్నాయి. మరోపక్క అలనాటి తార సావిత్రి జీవిత గాధ ఫై కూడా సినిమా తెరకెక్కుతుంది.
ఈ నేపథ్యం లో లెజెండరీ హీరో తమిళనాడు దివంగత మాజీ ముఖ్యమంత్రి ఎంజీఆర్ బయోపిక్ ను తెరకెక్కించేందుకు అన్ని సిద్ధం చేస్తున్నారు. ఆ బయోపిక్ లో ఎవరు నటిస్తారనే ఆసక్తి అందరిలో మొదలు అయ్యింది. ఈ నేపథ్యం లో తమిళ సీనియర్ నటుడు , బాహుబలి ఫేమ్ కట్టప్ప సత్యరాజ్ నటించనున్నట్లు తెలుస్తుంది. వచ్చే నెలలో ఆ చిత్రాన్ని అధికారికంగా లాంచ్ చేసేందుకు అన్ని సిద్ధం చేస్తున్నారట. తమిళనాట సినీ - రాజకీయ రంగాలపై ఎంజీఆర్ తనదైన ముద్ర వేశారు. లక్షలాది మంది అభిమానులను సొంతం చేసుకున్న సంగతి తెల్సిందే.
రమణ కమ్యూనికేషన్స్ వారు బాలకృష్ణన్ దర్శకత్వంలో ఈ సినిమాను నిర్మించబోతున్నారు.