జాతీయ గీతం
- October 27, 2017
జాతీయ గీతం:
రక్తం ఎరుపని తెలుసు;
కానీ...
నా రక్తం త్రివర్ణం అనుకున్నప్పుడే
నా నరాల్లో ప్రవహ శబ్దం వినిపిస్తుంది.
రక్తం పంచుకోలేదని తెలుసు;
కానీ...
నా జాతిపితగా మహాత్ముడిని తలచినప్పుడే
నా వారసత్వ బాధ్యత గుర్తుకొస్తుంది.
పేగు బంధం కాదని తెలుసు;
కానీ...
నను కన్నది నా భరతమాత అని అనుకున్నప్పుడే
నాలో దేశభక్తి ఉబికొస్తుంది.
అనుకోవడంలో ఉన్న శక్తి ముందు
తెలుసుకున్న సత్యాలు బలాదూర్;
జాతీయ గీతాన్ని వింటూ
ఒక్క నిమిషం నిలబడేందుకే
గుండెల్లో కోరిక
కాళ్లల్లో ఓపిక
లేని మనం
ఒలింపిక్ మెడల్స్ కోసం పరుగెందుకు?
జాతీయగీతం కోసం
జాతి గరిమ కోసం
జాతి అభివృద్ధి కోసం
జాతి ఐక్యత కోసం
జాతి రక్షణ కోసం
నిలబడదాం.
దైవం కన్నా దేశమే గొప్పది
దైవానికి తలనీలాలే ఇస్తాం
దేశానికి తలనే ఇస్తాం.
-సిరాశ్రీ
28/10/17
తాజా వార్తలు
- క్రిప్టో కరెన్సీ, బ్లాక్ చైన్ సహా సరికొత్త ఆర్థిక నేరాలపై ఫోకస్: డీజీపీ అంజనీ కుమార్
- ముగిసిన హెచ్-1బీ వీసా అప్లికేషన్లు..
- మెక్సికో నగరంలో ఘోర అగ్నిప్రమాదం..39 మంది మృతి
- హైదరాబాద్ లో ఆస్కార్ విజేత చంద్రబోస్కు సత్కారం..
- జీ-20 సదస్సు-2023కు విశాఖ రెడీ
- ప్రజాగ్రహంతో దిగొచ్చిన ఇజ్రాయెల్ ప్రధాని..
- హైదరాబాద్ నగరాన్ని ఆహ్లాదకరంగా మార్చేందుకు కృషి
- పాన్-ఆధార్ లింక్ గడువు పెంపు..
- అదనపు ఆదాయాన్నిచ్చే ‘సెకండ్ శాలరీ’..!
- ఆకాశంలో కనువిందు చేయనున్న 5 గ్రహాలు..!