దుబాయ్‌: దుబాయ్‌లో '2.ఓ' చిత్ర ఆడియో వేడుక అట్టహాసంగా జరిగింది. ఈ వేడుకలో రజనీకాంత్‌ మాట్లాడిన తీరుపై హాల్‌ చప్పట్లతో మారుమోగిపోయింది. అయితే రజనీ ఆడియో వేడుకలో మాట్లాడుతూ.. 'తీరని కోరిక ఒకటి ఉంది. ఏం జరుగుతుందోచూడాలి.' అని వ్యాఖ్యానించినట్లు చిత్రవర్గాల సమాచారం.
అయితే ఏ అంశం గురించి ఆయన ఈ మాట అన్నారో తెలీడంలేదు. బహుశా రాజకీయ ప్రవేశం గురించి ఆయన ఈ విధంగా వ్యాఖ్యనించినట్లు చిత్రవర్గాలు భావిస్తున్నాయి. కమల్‌ హాసన్‌ పార్టీ పెడుతున్న నేపథ్యంలోనూ రజనీ స్పందించారు. రాజకీయాల్లోకి రావాలంటే పేరు, హోదా ఉంటే చాలదని అంతకంటే ఎక్కువే అర్హతలు ఉండాలని అన్నారు.
'2.ఓ' చిత్రంలో రజనీకి జోడీగా అమీ జాక్సన్‌ నటించింది. బాలీవుడ్‌ నటుడు అక్షయ్‌కుమార్‌ ప్రతినాయకుడి పాత్రలో నటించారు. నవంబర్‌లో హైదరాబాద్‌లో ట్రైలర్‌ను విడుదల చేయనున్నారు. 2018 జనవరిలో ఈ చిత్రం ప్రేక్షకుల ముందుకు రానుంది.