స్టార్ హీరో విక్రమ్ కుమార్తె అక్షిత వివాహం తమిళనాడు మాజీ ముఖ్యమంత్రి కరుణానిధి ముని మనవడు మను రంజిత్‌తో ఇవాళ ఉదయం వైభవంగా జరిగింది. రంజిత్, అక్షిత కొంత కాలంగా ప్రేమించుకుంటున్నారు. వీరి ప్రేమకు ఇరువురి పెద్దలు అంగీకారం తెలపడంతో వీరి ప్రేమకు పెళ్లికార్డు రెడీ అయింది. 2016 జూలైలో నిశ్చితార్థం జరిగింది. ఇవాళ ఉదయం వేదమంత్రాల సాక్షిగా ఈ జంట ఒక్కటైంది. ప్రస్తుతం విక్రమ్ సామి స్క్వేర్ సినిమాలో నటిస్తున్నారు. కూతురి వివాహ నిమిత్తం కొద్ది రోజులపాటు షూటింగ్‌కి గ్యాప్ ఇచ్చారని తెలుస్తోంది. ఈ మూవీలో విక్రమ్ సరసన కీర్తి సురేష్ నటిస్తోంది. దేవిశ్రీ ప్రసాద్ సంగీతం అందిస్తున్నారు.