మస్కట్‌: రాయల్‌ ఒమన్‌ పోలీస్‌ - డైరెక్టర్‌ జనరల్‌ ఆఫ్‌ ట్రాఫిక్‌, మోటరిస్టులు తమ వాహనాల్ని స్టిక్కర్లతో డెకరేట్‌ చేసుకోవడానికి నవంబర్‌ 1 నుంచి 30 వరకు అనుమతిచ్చింది. 47వ నేషనల్‌ డే సెలబ్రేషన్స్‌ సందర్భంగా ఈ వెసులుబాటు కల్పించింది. స్టిక్కర్లు అంటించేటప్పుడు వాహనదారులు లైన్‌ ఆఫ్‌ విజన్‌ని మూసివేయరాదు. విండ్‌ షీల్డ్‌, సైడ్‌ విండోపేన్స్‌, నంబర్‌ ప్లేట్స్‌పై స్టిక్కర్స్‌ అంటించరాదు. అలాగే వాహనాల రంగుల్ని మార్చడానికీ కుదరదు. అగ్ని ప్రమాదాలకు ఆస్కారమిచ్చేలా ఫ్యాబ్రిక్స్‌ని వినియోగించరాదనీ, ఇబ్బందికరమైన గ్రాఫిక్స్‌నీ ఉపయోగించకూడదనీ, స్లోగన్స్‌ విషయంలో అప్రమత్తంగా ఉండాలని పోలీసులు సూచిస్తున్నారు.