సినిమా హిట్టయితే నిర్మాతలు హీరోలకి, హీరోలు డైరక్టర్లకి కార్లు బహుమతులుగా ఇచ్చుకోవడం ఇండస్ట్రీలో సహజంగా జరుగుతుంటుంది. ఈ సెలబ్రిటీలు పుట్టిన రోజు వేడుకల్లో కూడా ఇలాంటి కానుకలు పొందుతుంటారు. ముద్దుగా స్వీటీ అని పిలుచుకునే అనుష్క టాలీవుడ్‌లో అగ్ర కథానాయికగా వెలుగొందుతూ బోల్డంతమంది అభిమానుల్ని సంపాదించుకుంది. లేడీ ఓరియంటెడ్ పాత్రల్లో నటించి ప్రేక్షకుల్ని మెప్పించింది. దాదాపు అందరి అగ్ర హీరోల సరసన నటించింది. ఈ నేపథ్యంలో తన 36వ పుట్టినరోజు వేడుకల్ని జరుపుకుంది. ఈ సందర్భంగా తన డ్రైవర్‌కు 12 లక్షల విలువ చేసే కారును బహుకరించింది. 
తనకు ఎంతో ఇష్టమైన డ్రైవర్‌కు కారును బహుకరించింది. డ్రైవర్‌కు కారును గిప్ట్ ఇచ్చిన ఏకైక సెలబ్రిటీగా అనుష్క వార్తల్లోకి ఎక్కారు. ఆ డ్రైవర్ సీనియర్ కావడంతో పాటు అత్యంత విస్వాసపాత్రుడు కూడా అవడంతో అనుష్కకు అతని పట్ల చాలా అభిమానం అని అందుకే అతని ఆ గిప్ట్ ఇచ్చిందని తెలిసింది.