రస్‌ అల్‌ ఖైమా: నవంబర్‌ 1 నుంచే 15 వరకు ట్రాఫిక్‌ జరీమానాల్లో 55 శాతం డిస్కౌంట్‌ని రస్‌ అల్‌ ఖైమా పోలీసులు ఇప్పటికే ప్రకటించారు. అయితే ఈ డిస్కౌంట్‌ పీరియడ్‌ని తాజాగా డిసెంబర్‌ 2 వరకు పొడిగించారు. ప్రజల నుంచి వస్తున్న వినతుల నేపథ్యంలో 17 రోజులపాటు పొడిగించినట్లు రస్‌ అల్‌ ఖైమా పోలీసులు తెలిపారు. రస్‌ అల్‌ ఖైమా పోలీస్‌ కమాండర్‌ ఇన్‌ చీఫ్‌ మేజర్‌ జనరల్‌ అలి అబ్దుల్లా బిన్‌ అల్వాన్‌ మాట్లాడుతూ, 46వ యూఏఈ నేషనల్‌ డే సందర్భంగా ఈ పొడిగింపు నిర్ణయం తీసుకున్నట్లు చెప్పారు. ఈ డిస్కౌంట్‌ అన్ని రకాల జరీమానాలకూ వర్తిస్తుంది.