2018 సంవత్సరానికి గాను తెలంగాణా రాష్ట్ర ప్రభుత్వం శుక్రవారం శెలవుల లిస్టును ప్రకటించింది. ప్రభుత్వ కార్యాలయాలకు 24 రోజులను సాధారణ సెలవులుగా మరో 17 రోజులను ఐచ్ఛిక సెలవులుగా ప్రకటించింది. ప్రభుత్వ ప్రైవేటు సంస్థల్లో వేతనంతో కూడిన సెలవు దినాలు 21రోజులుగా ప్రకటించింది. అయితే సాధారణ సెలవు దినాలు ప్రభుత్వ కార్యాలయాలకు మాత్రమే వర్తిస్తాయని, పరిశ్రమలు, ప్రభుత్వ రంగ సంస్థలు, విద్యాసంస్థలకు వర్తించబోవని, వాటికి సంబంధించిన శాఖలే ప్రత్యేకంగా సెలవుల జాబితాను విడుదల చేస్తాయని తెలిపింది. కొన్ని పండుగల తేదీల్లో మార్పులు జరిగితే అందుకనుగుణంగా సెలవు తేదీలు కూడా మారే అవకాశం ఉంటుందని పేర్కొంది.